KORONADAL CITY – Ginpadalhan na sang notice of violation ang KAPA o Kabus Padatu-on Ministry nga nagapatigayon sang
operasyon sa syudad sang Koronadal bilang investment scam.
Ito ang ginpahayag ni Koronadal City Licensing Officer Gilbert Gayosa sa interbyu sang Bombo Radyo Koroandal.
Suno kay Gayosa, wala sang nasumiter nga mga dokumento kag wala nahatagan sang permiso ang KAPA sa ila ng operasyon sa Barangay Zone 2, Koronadal City rason nga iligal ang ila operasyon.
Nahibaluan nga isa ka korporasyon ang pagpakilala sang KAPA apang wala sang legal ng dokumento halin sa Securities and Exchange Commission (SEC) nga kinahanglan agud maka-operate sa syudad sang Koronadal.
Kadungan sini, nagpromisa naman si Gayosa ng indi nila pag-pabay-an nga mag operate sang iligal ang KAPA nga wala gina uyatan nga
business permit bilang isa ka ivestment company.
Madumduman nga suno sa SEC advisory, halin pa sang 2017, iligal ang KAPA nga gintukod ni Joel APolinario nga naga ganyat sa mga pumuluyo nga mag invest kabaylo ang 30% nga interes.
Nahibaluan nga ginatos ang mga myembro sini s syudad sang Koronadal mangin sa probinsya sang South Cotabato nga nag invest sang ila kwarta sa KAPA.
