KORONADAL CITY – Nakatalana na nga sang-atn sang kaso ang mga suspek sa ikaduha nga pagsigabong sang improvised explosive device sa banwa sang Isulan, Sultan Kudarat.
Ini ang ginkumpirmar ni PSUPT. Aldrin Gonzales, ang tagpamaba sang PNP 12 sa interbyu sang Bombo Radyo Koronadal.
Suno kay Gonzales, may manami nga development ang maid-id nga imbestigasyon nga ginpatigayon sang Special Investigation Task Group (SITG) LJ.
Ini makaligad nga ginsang-at naman ang kaso sang naligad nga semana sang SITG Hamungaya batuk sa masobra 20 nga katapo ang
Bangsamoro Islamic Freedom Fighters (BIFF) nga suspek naman sa una nga IED explosion sang Agosto 28 nga nagresulta sa kamatayon sang 3 ka persona kag pagkapilas sang 26 ka iban pa.
Samtang padayon naman nga ginahibalo sang SITG Bonita ang motibo kag identity sang General Santos City sang nkaligad nga semana nga nagresulta sa pagkapilas sang 8 ka mga biktima.
Aminado si Gonzales nga apisar hugot ang seguridad nga ginapatuman sa bug-os nga Rehiyon 12 ang nalusutan sa gihapon sang mga malain nga mga tawo.
Ini naman ang rason kun nga-a padayon ang apela sa mga pumuluyo nga makigbuligay agud malikawan ang panibag-o nga insidente sang pagpasigabong sa baylo nga magpamasol.
Sa karun nagapabilin nga yara sa Alert Status 4 ang bug-os nga Socsksargen bangud sa panghitabo.
