KORONADAL CITY- Nagapadayon ang hot pursuit operation sang militar batuk sa grupo sang komunista kag rebelde nga New People’s Army sa probinsya sang Sultan Kudarat makaligad mag ibwal ang panibag-o nga encounter sa tunga sang nmilitar kag sang mga rebelde.
Suno sa commander sang Joint Task Force Central nga si Brig. Gen. Cirilito E. Sobejana, naka engkwentro sang tropa sang Marine Battalion Landing Team-2 ang komunista nga grupo sa Sitio Sinapsap, Barangay Sangay sa Kalamansig, Sultan Kudarat samtan nagapatigayon sang military security operation bangud sa presensya sang armado nga grupo sa lugar.
Nagdugay ang engkwentor sang 30 minutos kun sa diin isa ka suldado ang tuman nga napilasan nga gilayon man gindala sa Cotabato City apang ginbawian sang kabuhi samtang isa man ang pilason nga yara na sa estable nga kondisyon subong.
Ang wala pa ginhingadlan nga mga suldado ang lunsay nag angkon sang multiple shrapnel wounds halin sa mga eksplosibo sang mga rebelde kun sa diin ginkondinar naman sang 6th Infantry Division Philippine Army ang padayon nga pagpang gamo sang mga rebelde sa lugar.
