KORONADAL CITY – Yara sa blue alert status na sa karun ang bug-os nga rehiyon 12 sa habagat kag super typhoon Ompong.
Sa interbyu sang Bombo Radyo Koronadal kay Office of Civil Defense (OCD) XII Operations Officer Jerome Barranco, bag-o pa man naglandfall sa Pilipinas ang super typhoon Ompong, nakigsapol na ang OCD 12 sa iban pa nga mga concerned agencies sa pagpanguna ni NDRRMC executive director Ricardo Jalad kaangot sa mga preparasyon nga ginpatigayon batuk sa kalamidad.
Suno kay Barranco apisar nga sa Luzon, ang mabaskog nga igo ni super typhoon Ompong, dako sa gihapon ang posibilidad nga pagabutungon sini ang
habagat nga magahatag sang malain nga paniempo sa nagkalain-lain nga lugar sa Rehiyon Dose.
Kadungan sini, ginapasiguro sang opisyal ang monitoring sa mga dalagkuan nga suba sa Socsksargen nga posible mag tuga sang baha, landslide, mudslide kag iban pa.
Sa karun nagpanawagan naman sang kooperasyon ang OCD-12 sa mga pumuluyo.
