KORONADAL CITY- Nag-apela sang pagngamuyo ang mga Overseas Filipino Worker’s nga nakabase sa South Carolina bangud sa tuman ka baskog nga Hurricane Florence nga maga-igo sa lugar sa adlaw sang byernes.
Sa ekslusibo nga interbyu sang Bombo Radyo Koronadal kay Bombo International Correspondent Nancy Corporal Samson halin sa Nabua, Camarines Sur kag 30 ka tuig na nga OFW sa Berkeley County, South Carolina kag manager sang Filipino Community Center of Charleston South Carolina nagapatigayon na subong sang mandatory evacuation sa ila nga lugar bangud sa ginalauman nga pagbaha dala sang extremely dangerous hurricane sa maragtas sang Estados Unidos.
Dugang pa nga kalakip man sila sa nagpanic buying bangud sa pamahog sang kalamidad kun sa diin nakaalerto sila ilabi na nga naga-istar sula sa coastal area.
Nahibaluan nga yara sa masobra 500 ka mga Pilipino sa ila lugar ang apektado man sang Hurricane Florence.
Samtang wala man sini napunggan nga magkabalaka para sa mga himata nga yara sa Camarines Sur nga apektado sang Super Typhoon Ompong kun sa diin magahalad ini sang pangamuyo para sa kaluwasan sang mga himata kag mga residente sa lugar.
