KORONADAL CITY – Nagapadayon sa karon ang assessment sang Barangay Disaster Risk Reduction and Management Council o BDRRMC sa mga apektado sang pagpanalasa sang mabaskog nga hangin sa Barangay Cabudian, Banga, South Cotabato.
Suno kay Punong Barangay Jonathan Ladot, naglab-ot sa masobra 31 ka mga puluy-an sa ila barangay ang ginguba sang buhawi.
Sa nasambit nga numero 17 sa mga ini ang nagikan sa Purok Masinulundan, labing isa (11) naman gikan sa Purok Malipayon samtang 3 gikan sa Purok Mahigugmaon.
Ginpahayag sang opisyal nga pila sa mga naguba nga puuy-an ang natumbahan sang mga puno sang kahoy kun diin apat diri ang totally damage.
Magluwas diri, ginguba man sang mabaskog nga hangin ang pila ka mga pananum nga prutas kag mais.
Sa inisyal nnga pagbulubanta yara sa isa ka libo ka pesos ang damyos sang pagkaguba sang mga puluy-an sa nasambit nga lugar.
