KORONADAL CITY – Ginahibalo pa sa subong sang Special Investigation Task Force (SITG) “Hamungaya” ang nakit-an nga suno pa mga foreign looking individual sa banwa sang Isulan, Sultan Kudat antes pa man ang asod-asod nga paglupok sang IED sa nasambit nga lugar.
Ginpahayag sa Bombo Radyo Koronadal ni Pol. Supt. Adrin Gonzales, tigpamaba sang PNP-12 mahalong ang gindihon nga special task force sa pagpaguwa sang resulta sang imbestigasyon.
Apang, kaupod ini sa ginaberipekar sang kapulisan ang nakita suno pa nga mga dumuluon sa isa ka barangay sa banwa sang Isulan antes pa an ang nagluntad nga paglupok sang IED.
Una diri, may mga sibiliyan suno pa ang nagreport kay Mayor Maritess Palasigue angot sa nasambit nga impormasyon.
Samtang, ginpasiguro ni Gonzales nga may natumod na sila nga mga suspek apang nagpanginwala nay ini nga ipalagay sa publiko.
Sa subong yara na sa full alert status sa gihapon ang rehiyon tubtob nga may pamahog pa sang terorismo sa lugar.
