KORONADAL CITY- Pagapasakaan na sang nagkalain-lain nga kaso ang myembro sang rebelde nga grupo nga nakuhaan sang eksplosibo, matag-as nga kalibre sang armas kag mga patalum sa ginpatigayon nga warrant implementation sa Balmores St. Brgy. GPS syudad sang Koronadal.
Sa interbyu sang Bombo Radyo Koronadal kay PSupt. Benjiel Kirby Bajo hepe sang Koronadal City PNP, ginkilala ang suspek nga si Maria Malaya Fernandez, yara sa 20 ang edad kag wanted sa mga kaso nga Serious Illegal Detention kag Kidnapping.
Nagapati man ang opisyal nga ang pagkadakop kay Fernandez ang isa ka dako nga bulig sa pagtapna sang kinagamo sa Mindanao.
Samtang sa ekslusibo nga interbyu sang Bombo Radyo Koronadal kay Fernandez, hugot sini nga ginpanginwala nga sya ang responsible sa pagdala sang eksplosibo kag gin-insister sini nga indi sya myembro sang anuman nga rebelde nga grupo.
Ginpahayag mam sini nga imposible nga sya ang nagbitbit sang nasambit nga kontrabando bangud indi niya suno pa ini masarangan nga dal-on bangud sa tuman ka damo kag kabug-at sini.
