Eksplosibo narekober sa syudad sang Koronada, babaye nga suspek nga alleged member sang isa ka rebelde nga grupo arestado

KORONADAL CITY- Ginturnover na sa Tacurong City Police Station ang isa ka babaye nga suspek nga nadakpan sa ginpatigayon nga search warrant implementation sa Balmores St. Brgy. GPS syudad sang Koronadal pasado alas 8:30 subong nga adlaw.

Sa ekslusibo nga interbyu sang Bombo Radyo Koronadal PSupt. Benjiel Kirby Bajo hepe ng Koronadal City PNP ang suspek ang na identify na si Maria Malaya Fernandez, yara sa 20 ang edad kag wanted man sa mga kaso nga Serious Illegal Detention kag Kidnapping nga ginapatihan nga myembro sang isa ka rebelde nga grupo.

Samtang narekober sa suspek ang eksplosibo , patalum kag iban pa.

Sa karun ginapaidalum na ini sa imbestigasyon sang mga otoridad.