-- ADVERTISEMENT --

KORONADAL CITY- Ginapahalong sang military ang mga pumuluyo sa ila palibot kasunod sang kumpirmado nga bomb threats halin sa ISIS-inspired groups sa pila ka mga lugar sa probinsya sang Sultan Kudarat.

Base sa intelligence report nga luwas sa banwa sang Isulan, target man sang mga terorista ang mga banwa sang Esperanza sa syudad sang Tacurong.

Ginpahayag ni 6ID Philippine Army BGen. Cirilito Sobejana sa interbyu sang Bombo Radyo Koronadal, Bangsamoro Islamic Freedom Fighters (BIFF) ang ginatudlo nga suspek sa pagpamomba sa Hamungaya Festival sa Brgy. Kalawag 3 samtang ang ISIS inspired group naman nga Dawla Islamiya Toraife Group ang responsible sa pagpasigabong sa internet shop sang setyembre 2 nga sa Karun ginalagas na sang mga otoridad.

Natumod ang mga suspek pinaagi sa bomb signatures nga gin-usar sang mga ini.

Pila sa mga kabangdanan sang pagpasigabong sang ma ini ang pagpatigayon sang diversionary tactics sa ginapatigayon nag military operations, pagpanimalos bangud sa setbacks sang mga ini sa nagapadayon nga operasyon kag agud makakuha sang suporta halin sa mga local kag international terrorist organizations pinaagi sa pagpamomba.

Apela sang opisyal sa mga pumuluyo nga ibatak ang security consciousness sa ila lugar kag ipahibalo sa mga otoridad ang mga makaduluda nga butang ukon persona.