KORONADAL CITY- Ginbisita ni PNP chief Gen. Oscar Albayalde ang mga survivors kag mga nabilin nga pamilya sang Isulan Bombing subong nga adlaw.
Sa interbyu sang Bombo Radyo Koronadal kay PNP Chief Albayalde, ginakondena sang Philippine National Police ang nasambit nga insidente kun sa diin apisar wala sang ginhatag nga timeline, ginmando na sini nga gilayon dakpon sa madali nga tinion kag pasabton ang mga yara sa likod sang bombing nga ginkapatay sang 3 ka persona kag ginkapilas sang masobra 30 ka iban pa.
Samtang sa pihak nga bahin, magapadala naman sang mga personnel halin sa Bomb Data Center ang PNP agud tun-an kag matsekyar ang
signature sang IED nga ginpasigabong ilabi na nga nakarekober ang mga otoridad sang pila ka fragments nga may similaridad sa is ka jetmatic pump cast iron kun sa diin ginsulod ang IED.
Nakatalana naman nga ipalapta ang facial composite sketch sang nasambit nga suspek nga naitsuraan kun sa diin nagpagwa naman sang P1 milyong reward money si Sultan Kudarat Gov. Pax Mangudadatu nga amuh man ang kasamtangan nga Regional Peace and Order Council chairman sa rehiyon 12 sa mga makahatag sang impormasyon sa pagdakop sang mga suspek.
