KORONADAL CITY– Ginalauman sang LGU Isulan sa probinsya sang Sultan Kudarat kag sang mga survivors ang pagbisita ni Pres. Rodrigo Duterte sa ila makaligad ang nagluntad nga bombing sa Kalawag 3 Isulan, Sultan Kudarat nga gindungan pa sa selebrasyon sang 7th Hamungaya kag 61st Foundation anniversary kagab-i.
Sa interbyu sang Bombo Radyo Koronadal kay alyas Toto, tiyo sang duha sa mga pilason sa pagpamomba kun sa diin sa karun kinahanglan nila ang bulig sang gobyerno ilabi na ang tuman nga danyos nga ginbilin sang pagpasigabong.
Nahibaluan nga 2 sa mga hinablos sini nga ginkilala kanday Jomar Ali kag Ibrahim Rindal ang nag angkon sang tuman nga pilas sa wala nga bahin sang iya nga dughan kag nagakinahanglan nga matughungan sang dugo.
Dugang pa sini nga tuman nga ginkasubo nila ang nagluntad bangud yara lamang kun tani sila sa ginluntaran sang pagsigabong agud magbaligya apang wala nila ginlauman nga ini ang magabutang sa ila sa katalagman.
Tuman naman ang panawagan sini nga mahatagan sila sang gilayon nga bulig agud mabulong ang iya mga hinablos.
