KORONADAL CITY- Nagapabilin sa kritikal nga konidsyon subong ang isa ka Pinay Domestic Helper sa Kuwait makaligad ini nga maglumpat sa ikatatlo nga panalgan sang edifisyo agud makaluwas suno pa sa iya mga abusado nga mga amo.
Ang nasambit nga Pinay Domestic Helper ang ginkilala nga si Ginalyn Agustin Aguilar, may 2 ka mga bata kag residente sang Kabacan, North Cotabato nga gilayon gindangat sa Kuwait Amiri Hospital makaligad maglumpat sa building.
Indi man ini maistorya sang maayo kag may mga pilas kag lagub nga gin-angkon makaligad maglumpat halin sa 3rd floor.
Sa karun indi pa mahibaluan ang matuod nga kabangdanan sa paglumpat sang OFW sa third floor apang ginasiling nga ginapintasan ini sang iya mga amo kag ginahana man nga luguson sang amo nga lalaki.
