KORONADAL CITY- Magahatag sang padya ang local government unit (LGU) sang Koronadal sa sinuman nga makatudlo sa mga suspek nga nagpatay sang isa ka Koronadalena nga gin-agawan pa sang motorsiklo.
Ayon kay Mayor Peter Miguel, 50 thousand pesos nga reward ang ihatag sini sa sinuman nga makahatag sang impormasyon bantuk sa mga suspek nga nagpatay sa 22 anyos nga si April Joy Jaballa kag residente sang Barangay GPS sa nasambit nga syudad.
Determinado ang alkalde nga madakpan ang mga suspek nga nagbiktima sa isa ka inosente nga babaye nga natalana na kuntani nga magpakasal.
Madumduman nga si Jaballa ang dead on the spot makaligad nga gintiro sang tatlo ka bes sang ginapatihan nga nagasunod sa iya nga riding in tandem nga mga suspek.
Kadunga sini, ginmando man ni Mayor Miguel sa pulisya ang gilayon nga hustiya sa biktima.
Samtang, ginako naman ni Police Superintendent Benjiel Kirby Bajo, hepe sang Koronadal City PNP, nga may anggulo na sila nga ginasundan sa krimen.
