KORONADAL CITY- Nagasinggitan sang hustisya ang pamilya sang isa ka babaye nga manunudlo nga ginluthang patay sa syudad sang Tacurong, Sultan Kudarat subong nga adlaw.
Sa ekslusibo nga interbyu sang Bombo Radyo Koronadal kay PSupt. Joefel Siason, hepe sang Tacurong City PNP, ginkilala ang biktima nga si Analizain Gallardo Capinpin, 33 anyos residente sang Brgy. EJC Montilla, Tacurong City may asawa kag isa ka manunudlo sa Salabaca National High School sa banwa sang Esperanza, Sultan Kudarat.
Sa imbestigasyon sang PNP, nagabantay suno pa ang biktima sang iya nga masakyan padulong sa buluthuan sang ini ang ginluthang sang wala pa matumod nga suspek.
Nag-angkon sang mga igo sang bala sa iya nga ulo, kilid kag dughan ang biktima nga nagresulta sa gilayon sini nga kamatayon.
Sa karun ginahibalo pa ang matuod nga motibo sang krimen.
