KORONADAL CITY– Ginaduso sang Association of Electric Cooperative sa pungsod ang pagdugang sa sukot sa kuryente sa magasunod nga tuig.
Sa ekslusibo nga interbyu sang Bombo Radyo Koronadal kay National Association of General Manager of Electric Cooperative President Sergio Dagooc, dismayado ang ila nga grupo makaligad nga ginbuhinan sang Department of Energy (DOE) ang pondo sang National Electrification Association (NEA) para sa tuig 2019.
Halin suno pa sa 1.8 billion nga pondo, nangin 1.1 billion na lamang ini kun sa diin tuman ka kulang suno pa ini para sa ila operasyon sa bug-os nga pungsod.
Nahibaluan nga target kuntani sang NEA ang paghatag sang kuryente sa 10% nga mga surudlon nga lugar sa pungsod apang imposible na suno pa ini nga mapatuman kun magalaum lang sa nabilin nga pondo.
Bangud sini lauman suno pa nga pagabawion sa sukod sa kuryente ang igabawas nga pondo agud mapatuman sa gihapon ang 10% target nga Rural Electrification Program.
