KORONADAL CITY – Nagpatunga na ang mga otoridad sa liwat nga pag-ibwal sang away sang magkasumpong nga grupo sa tri-boundaries sang Sultan Kudarat, Sultan Mastura kag Cotabato City.
Ini ang ginpahayag ni 6th ID Spokesperson Capt. Arvin Encinas sa interbyu sang Bombo Radyo Koronadal.
Suno kay Encinas, liwat nga nagkambyuhanay sang lupok ang grupo nanday June Barang kag commander Munting nga suno pa mga katapu sang MILF nga may madugay na nga wala paghangpanay.
Bangud sa pagkambyuhanay sang lupok nalaarma ang ginatos ka mga residente rason nga nagbakwit ang mga ini sa kahadlok nga malamita sa engkwentro.
Gilayon naman nga nagpatunga ang mga otoridad sa kinagamo rason nga nagtahaw na ang tensiyon kag nagkalma ang sitwasyon sa lugar.
Nahibaluan nga madugay na nga may rido ang duha ka pamilya kag sang nagligad nga semana pa nagsugod ang kambyuhanay sang lupok sang duha ka bahin.
Kaangot sini, nagpanawagan naman si Encinas sa pamunuan sang MILF nga buligan sila nga mauntata na ang away sa tunga sang duha ka grupo.
Sa subong, nagapabilin nga nagabantay ang mga suldado sa tri-boundaries agud nga indi matabo sa liwat ang away.
