KORONADAL CITY – Nagresulta sa kamatayon sang isa ka senior senior citizen kag pagkapilas sang 8 ka iban pa ang ginhimo nga pag-araro sang isa ka town ace van sa duha ka salakyan sang Sultan Kudarat, Maguindanao.
Ginkilala ni PCI Lendsy Sinsuat, hepe sang Sultan Kudarat Municipal Police Station ang biktima nga si Lambaina Dagandal, 60 anyos samtang pilason naman kanday Musa Panayaman ,19; Mark Zacaria, 23 nga residente sang Barangay Tugal, banwa sang Midsayap North Cotabato; Isidra Jorolan 62, Angelita Balubon 38, Noraina Agao 28, Kunsang Andegay 66 yo, Noralyn Abo 24 kag si Jamilla Agao 23 na kapwa residente sang Parang Maguindanao.
Sandig sa report, madasig suno pa ang pagpadalagan sang kulay green nga pangpasahero nga town ace van nga nakarehistro sa kay Kamarodin Mambayao Saricor sang madulaan sang control ang driver sang yara sa atubang sang JP Garden sa Brgy. Rebuken kag nagdiretso ini sa duha ka naka parking nga mga salakyan.
Nahibaluan nga ang biktima ang naghalin sa gintambungan nga kasal sa na sambit nga lugar.
Sa subong ginbulong nasa balay bululngan ang nasambit nga mga biktima.
