KORONADAL CITY – Family feud ukon rido ang ginasundan nga motibo sang kapulisan sa nagluntad nga pagpang-ambush sa atubangan sang Dalandag National High School sa Brgy. Ginatilan, Pikit, North Cotabato nga nagresulta sa pagkamatay sang 3 ka tawo kalakip na ang isa ka nagadala kag pagkapilas sang duha ka estudyante.
Ini ang ginpahyaag ni P/Supt. Bernard Tayong, spokesperson sang Cotabato Police Provincial Office sa interbyu sang Bombo Radyo Koronadal.
Ginkilala sang opisyal ang mga nagkalamatay nga sanday Richard Wakan, 26; Ronald Lacheca, 35 nga lunsay miyembro sang Civilian Armed Forces Geographical Unit (CAFGU) kag mga residente sang Barangay Bualan sa nasambit nga banwa kag Hasna Mohammad Buka, 39, nga naulamid lamang.
Kalakip sa mga namatay sa pagpang-ambush ang duha ka pilason nga estudyante nga sanday Mohammad Buka, 14 bata ni Hasna kag Dante Boboy Jr, 16.
Nagguwa sa imbestigasyon sang kapulisan nga sakay ang mga biktima sa motorsiklo kag ginaasoy ang dalan pakadto sa Brgy. Poblacion sang pag-abot sa atubangan sang buluthoan, ginpangluthang ang mga ini sang mga armado usar ang mga high powered firearms.
Nahibaloan nga nadalahig lamang si Hasna bangud kasugata sang ginasakyan nila nga motorsiklo ang motor kun sa diin sakay ang mga armado.
Kaangot sini, ginpasiguro naman ni ugnay nito, ipinasiguro naman ni Tayong na may sinusundang persons of interest na ang pulisya sa pangyayari.
