-- ADVERTISEMENT --
KORONADAL CITY- Ginabulong na sa karun sa ospital ang isa ka mangunguma makaligad malukpan sang iya ginbulsa nga granada sa Aleosan, North Cotabato.
Nakilala ang biktima nga si Aderiano Takandong Candole, 54 anyos kag residente sang Barangay Tomado sa nasambit banwa.
Suno sa report sang Aleosan PNP, hubog sang nagpauli sa ila puluy-an si Candole kag ginbutang sini sa bulsa ang eksplosibo apang nahulog suno pa ini.
Hana sini nga puluton ang granada, sang gulpi na lang ini nga naglupok.
Nag-angkon naman sang pilas sa iya na dughan kag kamot ang biktima.
Sa karun padayon pa ang imbestigasyon sang kapulisan sa panghitabo.
Pagahibaluon man sang mga otoridad kun nga-a may dala nga granada ang biktima.
