KORONADAL CITY– Arestado sa ginpatigayon nga buybust operation sang Sto Niño PNP ang isa ka lalaki nga ginpatihan nga nagaduso sang iligal nga druga sa Brgy Ambalgan, Sto Niño, South Cotabato.
Ini ang ginkumpirman ni PCI Diogenes Hare, hepe sang Sto Nino PNP sa interbyu sang Bombo Radyo Koronadal.
Suno kay PCI Hare ang suspek ang ginkilala kay Jaypee Masolot, 30-anyos, may asawa kag residente sang Prk Malipayon, sa nasambit nga lugar.
Narekober sa posisyon sini ang 1 ka jumbo pack sang suspected shabu may kabug-aton nga 50 grams nga ginabulubanta nagabalor sang P400,000 kag P700.00 nga marked money.
Ginapahayag man ni PCI Hare nga nagakuha sang suplay sang shabu ang suspek sa bahin sang Dalikan, ARMM.
Sa karon, natalana nga pasakaan sang kaso nga paglapas sa RA 9165 ukon Comprehensive Dangerous Drugs Act of 2002 ang nasambit nga suspek.
