KORONADAL CITY- Nagresulta sa kamatayon sang 2 ka persona kag pagkapilas sang 2 ka iban pa ang nagluntad nga bunggu-anay sa Brgy. GPS syudad sang Koronadal.
Suno sa mga otoridad, nagluntad ang madinuguon nga aksidente samtang nagabyahe sakay sang motorsiklo ang 3 ka persona nga sanday Rico Cabigding, Rachelle Lacambra kag Anthony Jameo kun sa diin pag-abot suno pa sa intersection nagbunggu-anay ang ila motorsiklo kag ang motorsiklo man nga ginamaneho sang isa ka Toto Sucaap.
Nag-ankon naman sang malala nga mga pilas ang mga nalamita sa aksidente kag gilayon nga gindangat sa South Cotabato Provincial Hospital apang gindeklarar nga Dead on Arrival sanday Cabigding kag Jameo samtang kritikal naman si Lacambra kag Sucaap.
Sa karun nagapadayon pa ang imbestigasyon sang mga otoridad kun sin-o ang dapat manabat sa madinuguon nga aksidente.
