KORONADAL CITY – Madamo nga anggulo ang ginalantaw subong sang mga otoridad kaangot sa pagpangluthang sa bodyguard sang alkalde sang Tupi, South Cotabato.
Una nga ginkilala ang biktima nga si Zandro Lorenzo, 44-anyos kag residente sang Brgy. Palian sang nasambit nga banwa kun sa diin nagaserbe ini nga bodyguard ni Tupi Mayor Reynaldo Tamayo Jr.
Base sa inisyal nga imbestigasyon, pakadto kuntani ini sa puloy-an sang alkalde kaupod ang iya 11 anyos nga bata sang makatatlo ka beses ginluthang si Lorenzo sang mga armado nga kalalakihan kun sa diin nakaangkon ini sang igo sang bala sa iya dughan kag kamot.
Gindangat naman siya sa balay bulolngan sang iya bata kag subong yara na ini sa maayo nga kondisyon.
Ginpasiguro naman ni Mayor Tamayo sa interbyu sang Bombo Radyo Koronadal nga mahatagan sang hustisya ang natabo kay Lorenzo kag mapanabat ang mga suspek nga nagluthang sa iya.
