KORONADAL CITY – Ginabulong na subong sa hospital ang isa ka barangay kapitan sa banwa sang Carmen, North Cotabato matapos nga mabiktima sang pagpangluthang.
Ginkilala sang Carmen Municipal Police Station ang biktima nga si Barangay Chairman Haji Yusop Kamansa,51,may asawa kag residente sang Barangay Lanoon sa nasambit nga banwa.
Sandig sa report, yara sa kritikal nga kondisyon sa subong si Kamansa matapos nga makaangkon sang pilas sa dughan.
Nahibaluan nga ginaneho sang barangay opisyal ang iya nga motorsiklo padulong sa merkado publiko sang nasambit nga banwa sang ginbantayan sang mga suspek kag ginluthang usar ang cal. 45.
Sa subong, nagapadayon pa ang imbestigasyon sang mga otoridad sa insidente.
Ginahibalo naman kun may kaangtanan sa pulitika ang motibo sang krimen.
