KORONADAL CITY – Patay ang duha ka tawo sa magkatuhay nga vehicular accident sa duha ka banwa diri sa probinsya sang South Cotabato.
Una nga napagkit nag aksidente sa banwa sang Tupi kun sa diin ginkilala ang biktima nga si Edwin Solina nga isa ka fruit vendor kag residente sang Sitio San Roque, Barangay Bolol Mala sa nasambit nga banwa.
Sa interbyu sang Bombo Radyo Koronadal kay Municipal Disaster Risk Reduction and Management Officer Emil Sumagaysay, ginbunggoan sang isa ka L-300 van ang isa ka Toyota Fortuner kag nadalahig lamang ang ginamaneho nga tricycle ni Solina.
GIlayon ini nga gindala sa balay-bulolngan apang gindeklarar nga dead on arrival.
Duha man ang napagkit nga pilason sa nasambit nga aksidente.
Samtang dead on the spot naman ang driver sang motorsiklo sa aksidente sa Brgy Bukay Pait sa banwa naman sang Tantangan.
Ayon kay Police Senior Inspector Reden Crisologo, hepe sang Tantangan PNP, pakadto sa siyudad sang Koronadal ang driver sang Montero Sport sang hinali nga magtabok ang isa ka motorsiklo nga gilayon nga ginkamatay sang driver sini.
Pilason ang duh ka bystander makaligad madalahig sa nagluntad nga aksidente nga ginaobserbahan na subong sa isa ka pribado nga ospital.
Nagpahanumdom ang mga otoridad sa mga motorista nga maghalong sa pagmaneho agud malikawan ang mga disgrasya sa dalan.
