KORONADAL CITY- Yara na karon sa kustodiya sang mga otoridad ang isa ka Barangay Kagawad kag 2 ka iban pa nga kaupdanan sini nga naarestar sa ginpatigayon nga drug buy-bust operation sang PDEA-ARMM, Maguindanao PNP kag Parang PNP sa atubang sang Petron Gas Station, sa Parang, Maguindanao.
Ginkilala ni PDEA-ARMM Regional Director Juvenal Azurin ang mga narestar nga sanday Ronnie Marohom, Barangay Kagawad sang Sumbagarogong Malabang, Lanao Del Sur, Raizuli Marohom kag Samsudin Kamid nga lunsay residente sang Maguing, Lanao del Sur.
Narekober sa mga drug suspect ang isa ka kilo nga suspected shabu nga ginabulubanta nagabalor sang 6.7 million pesos.
Sa karon, magapangatubang sa kaso nga paglapas sa R.A. 9165 ukon comprehensive dangerous drugs act of 2002 ang mga suspek.
