KORONADAL CITY – Nagtuga sang kahadlok sa mga residente sa banwa sang Upi, Maguindanao ang panibag-o nga pagpasigabong sang eksplosibo sa kilid sang dalanon.
Suno kay Police Chief Insp. Erwin Tabora, hepe sang Upi PNP, 2 ka anggulo ang ila ginasundan sa karon.
Una diri amo ang dako nga posibilidad nga mga miyembro sang Bangsamoro Islamic Freedom Fighters ukon BIFF ang nagpasigabong sang bomba sa 13, Brgy. Kibleg, Upi, Maguindanao.
Samtang, wala man nila ginkakas ang posibilidad nga mga grupo nga apektado sang ila padayon nga kampanya kontra iligal nga droga ang may kahimuan sang nasambit nga pagpamomba.
Suno pa kay Tabora, may mga nabaton sila nga pagpamahog sa hugot nga implementasyon sang War on Drugs.
Sa karon, nagapadayon ang ginahimo nga imbestigasyon sang mga otoridad angot sa nasambit nga roadside bombing.
Nagpasalamat na lamang ang mga ini nga wala sang napilasan sa nagluntad nga pagpasigabong.
