KORONADAL CITY – Nagpalab-ot sang suporta kag ginkalipay sang Maguindanao provincial government ang tigayon na nga pagpirma ni Pangulong Rodrigo Duterte sa Bangsamoro Organic Law (BOL).
Suno kay Maguindanao Governor Esmael Toto Mangudadatu, dako ang iya pagpati nga mangin dalan ini para sa madugay nga kalinong kag kauswagan para sa mga pumuluyo nga Bangsamoro.
Nagalauam man ini nga mangi dalan sa paghugpong kag paghiliusa sang mga tropa sang gobyerno kag mga rebelde nga grupo.
Apang,nagakabalaka kag nanugunan si Mangudadatu sa posibilidad nga makakas ang masobra 6 ka libo nga empleyado sang ARMM kun tigayon na nga mapatuman ang BOL.
Ginpa-athag man sini nga pabay-an na lamang nga maka-obra man sa gihapon ang mga nasambit nga empleyado nga madugay na nagserbi sa ARMM Government.
