KORONADAL CITY – Dako ang pagpati ni Magdalo partylist Representative Gary Alejano nga may blessing gikansa Malakanyang ang natabo nga pagkambyu sang liderato sang Kamara antes ang SONA ni Pangulong Rodrigo Duterte.
Sa eksklusibo nga interbyu sang Bombo Radyo Koronadal kay Congressman Alejano, ginpahayag sini nga may kaupdanan siya nga mga kongresista nga naghingyo sang advise kay Special Assistant to the Presidente (SAP) Bong Go angot sa matabo nga pagpahalin kay anay house speaker Pantaleon Alvarez.
Apang, ginpaandaman ni SAP Bong Go ang mga kongresista nga indi pag-pahuyan ukon ilamita ang pangalan sang presidential daughter kag Davao City Mayor Inday Sarah Duterte sa pagbutang kay Congressman Gloria Macapagal Arroyo bilang bag-o nga house speaker.
Suno pa kay Alejano apisar nga may blessing gikan sa palasyo, wala makontrol ni Pangulong Rodrigo Duterte ang hitabo rason nga dyutayan na lamang nga mapahuy-an ini kag ang punggsod sa bilog nga kalibutan.
Kaangot sini, maathag daw nga may nagakatabo nga faction sa PDP Laban kag indi uyat sang pangulo ang mga ini sa subong.
Aminado man si Alejano nga tubtob sa subong wala sa gihapon ma-settle sa Kamara ang issue sa pag-elect kay GMA bilang bag-o nga house speaker.
