KORONADAL CITY- Ginapabugal sang banwa sang Tboli, South Cotabato nga kilalahon bilang adopted daughter nga si Miss Universe 2018 Catriona Gray.
Sa interbyu sang Bombo Radyo Koronadal kay T’boli Mayor Dibu Tuan, isa ka dako nga kadungganan para sa pumuluyo sang South Cotabato ang pagpadulong sang 23 anyos nga beauty queen sa probinsya kag ang pangin kabahin sini sang tribo.
Bangud sini, ginapabugal man sang alkalde nag pagadal-on kag igasuksok ni Gray sa prestihiyoso nga beauty pageant ang ginapabugal nga T’nalak dress nga ginhimo sang T’boli tribe.
Dugang pa ni Mayor Tuan nga ang pangin adopted daughter ni Gray ang makabulig agud indi ini ulanon sang pagpakamalaot sa tion nga igasuksok na sini ang T’nalak dress bangud may pahanugot na halin sa tribo.
Nahibaluan nga ang South Cotabato ang kilala man bilang Land of the Dreamweavers bangud sa majestic T’nalak cloth nga ginhimo base sa mga damgo sang mga ginakabig nga malilikha ng bayan.
