KORONADAL CITY – Nagtuga sang trapiko kag pagkadelatar sa mga motorista sa siyudad sang Koronadal padulong sa General Santos City kag vice versa ang ginhimo sang halos 200 mga raliyista nga nagpatunga sa national highway kadungan sang State of the Nation Address ni Pangulong Rodrigo Duterte.
Bitbit sang nasambit nga mga raliyista ang mga streamers kag placards nga nakasaad ang mga mensahe batuk sa DepED kag kay Pangulong Rodrigo Duterte.
Ang nasambit nga mga raliyista ang 23 ka adlaw na nga nagapatigayon sang hublag protesta sa atubangan sang DepED Regional Office 12 nga nagahingyo nga ihatag sang ahensiya ang luyag nila nga permit to operate sa 14 ka mga buluthuan nga lumad.
Ginasinggitan sang mga ini nga kinamatarong sang mga lumad nga mahatagan sang importansiya ang edukasyon sang mga lumad paagi sa pag-isyu sang permit to operate sa Misfi Academy.
Apang, nagpanindugan ang DePED nga dapat sundon sang Misfi Academy ang proseso sa legal nga paagi.
Madumduman nga ginhaya sang mga raliyista ang kaupod nila nga napatay bangud sa balatian sa atubangan sang DepED agud nga makonsensiya suno pa ang ahensiya kag ihatag ang hingyo sang mga ini.
