KORONADAL CITY – Wala sang kaaway ukon kontra ang ginpatay nga si anay Sultan sa Barongis, Maguindanao Vice Mayor Roger Lagawan Mamalo.
Ini ang ginpahayag sang iya bata nga si Sittie Mamalo sa eksklusibo nga interview sang Bombo Radyo Koronadal.
Suno kay Sittie, nakibot sila sa natabo sa ila nga amay bangud wala sila nagaekspektar nga matabo ini Hugot man nila nga ginapanginwala ang pahayag sang kapulisan nga yara sa listahan sang suno pa involbado sa illegal nga droga ang anay bise alkalde.
inpaathag pa ni Sittie nga isa ka mabuot nga tawo kag opisyal sang ila nga lugar bangud wala suno pa gani ini sang bisyo.
Base naman sa panaysayon sang ila iloy, pasado alas-5 kahapon sang hapon sang may nagtawag sa ila amay rason nga naglakat ini kag sang pasado alas-8 na kagab-i nga papuli na ini sang nagluntad ang insidente.
Nadula naman ang cellpghone kag belt bag sang biktima nga amo ang ginapangita sang pamilya sini.
Nahibaluan nga ginlubong na pasado alas-11 kaina sang aga ang anay bise alkalde.
