KORONADAL CITY – Yara sa listahan sang mga suno pa involbnado sa illegal nga droga ang ginpatay nga si anay Sultan sa Barongis, Maguindanao Vice Mayor Roger Lagawan Mamalo.
Ini ang ginkumpirmar P/Supt. Joefel Siason, hepe sang Tacurong City PNP sa interbyu sang Bombo Radyo Koronadal.
Suno kay Siason, naguwa sa ila nga imbestigasyon nga kalakip ang pangalan ni ex-mayor Mamalo sa mga opisyal sa Maguindanao nga ginaangot sa illegal drugs.
Apang sa subong indi pa matumod sang kapulisan kun ini ang motibo sa pagpatay sa biktima.
Gikan kagab-i sa sugalan si Mamalo kag papuli na sa ila nga puluy-an sa Purok Sampaguita, New Isabela, Tacurong City sang ginbantayan sang duha ka suspek kag ginluthang sang makapila ka beses.
Nakaangkon sang igo sang bala sa dughan, liog kag tangkugo ang biktima nga gintunaan sang kamatayon sini.
Nakuha sa crime scene ang 6 ka empty shells sang kalibre 45 nga amo ang gingamit sa pagpatay sa biktima.
Gilayon naman nga igalubong ang bangkay ni Mamalo base sa kultura nga Muslim.
