KORONADAL CITY- Ginpapag-on pa sang Indonesian Military kag Armed Forces of the Philippines ang ila nga kooperasyon sa pagtapna sa mga ISIS linked terrorist nga nagasulod sa isla sang Mindanao partikular na sa probinsya sang Maguindanao.
Sa impormasyon nga ginpalab-ot sang 6th Infantry Division Philippine Army sa pagpanguna ni 6th ID commander Brig. Gen. Cirilito Sobejana, persona nga nagbisita si Maj. Gen Suko Pranoto, 16th Military Area Command Commander sang Tentara Nasional Indonesia Angkatan Darat (TNI-AD) sa Camp Siongco, Awang, Datu Odin Sinsuat Maguindanao kaupod ang pila ka senior officers sang Indonesian Army hisgutan ang pila ka concerns angot sa seguridad sang Pilipinas kag Indonesia lakip na dire ang pagsulod sang Indonesian terrorist nga naga suporta sa ISIS agud nga magpalanag sang kinagamo sa rehiyon.
Ginalauman naman nga makaligad ang pag inistoryahanay sang Military Officials, makaangkon sang organization, mission, training activities, kag iban pa nga makabulig sa pagtapna sang terorismo.
