KORONADAL CITY- Nag-angkon sang positibo nga reaksyon halin sa mg South Cotabateños mangin man sa mga OFW’s ang ginpatigayon nga 2nd Bombo Doble Kara Singing Competition nga ginpatigayon sa South Cotabato Gymnasium and Cultural Center.
Nahibaluan nga madamo sang mga OFW’s ang nagtutok bangud nakakas ang ila nga homesickness bangud sa masadya nga palagwaon.
Dugang pa nga ginbantaan man ang mga contestants kun sa diin highlight ang ila angkon nga talento sa pag-amba usar ang tingog sang babayi kag lalaki.
Agaw atensyon man ang pabonggahan sang ila mga costume nga katunga bayo sang babayo kag ang katunga bayo sang lalaki.
Samtang sa ginpatigayon nga singing competition, naghirinugyaw ang mga tumalan-aw bangud sa makalingaw nga presentasyon sang mga contestants.
Nahibaluan nga ang 12 ka mga partisipante ang naghalin pa sa nagkalain-lain nga parte sang rehiyon kun sa diin 3 lang ang maswerte nga nagdaog sang major prizes nga ginakabug-usan nanday Wella Gaspar nga ginkabig nga kampeon sa 2nd Bombo Doble Kara singing competition nga nakabaton sang P10,000 , plake kag certificate halin sa banwa sang Tantangan, South Cotabato, 1st runner-up naman si Romel Arnado sang Polomolok, South Cotabato nga nakabaton sang P7,000 , plake kag certificate samtang 2nd runner-up naman si Edgar Rosios sang General Santos City nga nakabaton sang P5,000, plake kag certificate.
Samtang ang iban nga mga contestants ang wala nagpauli nga masubo bangud may yara sila sang tig P1,000 kag certificates.
Ang nasambit nga kompetisyon ang nangin madinalag-on sa bulig man sang
Provincial Government sang South Cotabato kag private stakeholders.
Yari naman ang mga pangalan sang mga contestants:
1.Mark Losaria Lutayan, Sultan Kudarat
2. Ronie Villa Glan, Sarangani Province
3. Wella Gaspar Tantangan, South Cotabato
4.Ronald Fantilaga Isulan, Sultan Kudarat
5. Jeebie Maranon Koronadal City
6.Jaylan Tada Koronadal City
7. Jeffrey De Ala Koronadal City
8. Edgar Rosios General Santos City
9. Thea Lucero Koronadal City
10.Ron- Ron Dinopol Koronadal City
11. Romel Arnado Polomolok, South Cotabato
12.Randy Salingguhay General Santos City
