KORONADAL CITY- Nagapadayon ang monitoring sang Office of the Civil Defense 12 sa mga lugar nga apektado sang Southwest monsoon nga nagapanalasa sa Mindanao.
Sa ekslusibo nga interbyu sang Bombo Radyo Koronadal kay OCD 12 Spokesperson Joremie Bamillano, bangud sa pagpanalasa sang tuman nga pag-ulan, nagpatigayon na sang suspension of classes ang mga banwa sang Kalamansig kag Lebak sa probinsya sang Sultan Kudarat.
May yara man sang mga reports sang pagbaha sa probinsya sang North Cotabato partikular na sa Kabacan kun sa diin masobra 3,000 ka indibidwal ang apektado.
Nagsaka na sa P8 Million ang damyos nga gintuga sang pagpanalasa sang Southwest Monsoon sa probinsya sang North Cotabato partikular na sa banwa sang Kabacan.
Ini ang ginpahayag ni OCD 12 Spokesperson Joremie Bamillano.
Suno kay Bamillano, sakop sang nasambit nga danyos ang agrikultura ukon mga pananom sang mga pumuluyo.
Posible nga magsaka pa ang danyos kun magapadayon pa ang pagbubo sang mga mabaskog nga pag-ulan.
Nahibaluan nga sa South Cotabato ginamonitor man ang mga flood prone areas nga Lake Sebu, T’boli,Tampakan kag mangin man ang Tantangan kag Koronadal.
