KORONADAL CITY- Nagpanawagan ang newly installed bishop sang Diocese of Marbel sa publiko nga mangin alerto sa simbahan kadungan sang kontrobersiyal nga iskandalo nga ginapangatubang sini sa idalum sang Duterte Administration.
Suno kay Bishop Cerilo Allan Casicas kinahanglan man nga pasabton ang simbahan kun may yara sang sala kasubong sang ginahimo sang mga ini sang gobyerno.
Kinahanglan ini ni Casicas kadungan sang iya episcopal ordination kag installation bilang bag-o nga obispo nga ginpatigayon sa Christ the King Cathedral sa syudad sang Koronadal.
Gin-insister pa sini nga bilang tumuluo may kinamatarong ang pumuluyo nga ihambal sa iya kun sin-o man ang mga alagad sang simbahan ang mga nakasala.
Kadungan man sini ang paghingyo sang paghangop kag patawad sa mga iskandalo nga ginakaulamiran sang simbahan.
Ginapahanumduman man sini ang mga pari nga ipabilig ang simple nga pagpangabuhi kag magsakripisyo bangud ini ang kabahin sang ila nga bokasyon.
Madumduman nga nagpanguna sa consecration ni Bishop Casicas si Cotabato Archbishop Orlando Cardinal Quevedo OMI nga ginhingyo man sa mga tumuluo nga ipangamuyo ang bag-o nga obispo.
Samtang nagalaum naman si Papal Nuncio Gabriele Giordano Caccia nga sundon ni Bishop Casicas ang gintal-usan sini nga si Marbel-Bishop Emeritus Dinualdo Guttierez nga bangud sa pagpalangga sa diyos kag sa mga tumuluo, nagsirbe sa sulod sang 37 ka tuig sa Diocese of Marbel.
