KORONADAL CITY- Nagapadayon sa karun ang imbestigasyon sang Datu Paglas PNP sa nagluntad nga pagpasigabong sang grenade launcher sas 3-storey building sa sulod sang palengke sa Brgy. Poblacion Datu Paglas, Maguindanao.
Sa interbyu sang Bombo Radyo Koronadal kay PSI Roldan Abu Quintong, hepe sang Datu Paglas Maguindanao, alas 7:50 sang gab-I sang lunes nagluntad ang pagpasigabong kag maswerte nga wala sang napilasan ukon naulamid nga mga tawo.
Sa karun madamo nga anggulo ang ginakonsiderar sang kapulisan nga possible motibo sa pagpasigabong.
Madumduman nga ang Brgy. Poblacion sang Datu Paglas Maguindanao ang nangin target sang ISIS inspired Bangsamoro Islamic Freedom Fighters nga sakupon sang nakaligad nga adlaw nga kun sa diin nilibo ang nagbakwit.
