KORONADAL CITY – Nagapadayon ang imbestigasyon sang mga otoridad sa nasapwan nga hublas nga bangkay sang isa ka babaye sa banwa sang Tantangan, South Cotabato.
Ginkilala ni PSI Reden Crisologo, hepe sang Tantangan PNP ang biktima nga si Chona Paredes, 33, separar sa bana kag residente sang Barangay Datalbab, Tboli, South Cotabato.
Sa interbyu sang Bombo Radyo Koronadal kay PSI Crisologo, dako ang posibilidad nga ginlugos anay si Paredes antes ginpatay bangud sa half naked ini sang masapwan sa Purok Lower Saranay, Brgy. New Kuyapo, Tantangan, South Cotabato.
Naguwa sa imbestigasyon sang kapulisan nga may duha ka igo sang bala sa iya nga lawas ang biktima nga gintunaan sang kamatayon sini.
Antes nga nasapwan ang bangkay sang biktima alas-5:20 kaina sang kaagahon sang may nabatian nga lupok ang mga residente malapit sa crime scene.
Sa subong ginahibalo pa sang kapulisan kun sin-o ang suspek sa krimen.
