KORONADAL CITY – Hangyoon subong sang Tantangan PNP ang bulig sang lokal nga gobyerno nahanungod sa trahedya nga natabo sa pamilya Enalbes kun sa diin ginpatay ang duha ka menor de edad sang ila amay antes man ini nagpakamatay.
Sa interbyu sang Bombo Radyo Koronadal kay PSI Reden Crisologo, hepe sang Tantangan PNP, hangyoon ila sa Tantangan LGU mangin sa ganundin sa provincial government nga buligan ang nagakasubo nga pamilya sa pagpalubong sa ila mga himata nga namatay nga sanday Biboy , 6-anyos at Jhelo, 4-anyos at ang ama mga ito na si Willy Enalbes bunsod na rin sa sobrang hirap ng pamilya.
Samtang ginsalaysay sang iloy sang suspek nga si Ginang Marciana Enalbes nga hubog suno pa ang suspek sang ginkuha halin sa iya ang iya mga apo samtang nagapamutos sang turon nga amo ang ila palangabuhian.
Sang ginkadtoan niya ang balay sang suspek pasado alas 7:20 kahapon sang aga agud magkaon na kuntani sila, nagasinggitan ini nga nagapangayo sang bulig sa iya mga kaingod sang masapwan nga matig-a na kag matugnaw ang lawas sang isa sini ka apo.
Una na suno pa siya nga ginpandaaman sang suspek nga may malain nga matabo sa iya mga bata bangud sa pagpati sini, ginaluiban siya sang iya asawa nga kasamtangan nga yara sa Manila agud mag-apply sang trabaho sa iban nga pungsod.
Apang ginpaathag sini sa iya nga ginabuligan sila nga makabangon halin sa kapigaduhon.
Narekober naman sa crime scene ang kutsilyo nga gin-usar sang suspek sa pagpatay sa mga bata sini, ang safety harness nga gin-usar niya sa paghikog kag ang cellphone nga may kaundan pa sang mga text messages nila sang iya asawa nga nagabaisay.
