KORONADAL CITY- Liwat nga ginpamatud-an sang Bombo Radyo Philippines nga malapad ang koneskyon sini, gamhanan kag may dako nga impluwensiya makaligad ang madinalag-on nga Bombo Medico 2018 nga ginhiwat sa nagkalain-lain nga mga nagapanguna nga lugar sa pungsod.
Suno sa mga opisyal sa probinsya sang South Cotabato, dako ang nabulig sang Bombo agud nga bag-uhon ang kabuhi sang mga pumuluyo ilabi na ang mga nagapanginahanglan kun sa diin suno kay Koronadal City Vice Eleordo Mayor Ogena, gin-usar sang Bombo ang impluwensya sini agud nga makatipon sang bulig nga igahatag sa mga nagapanginahanglan ilabi na ang mga wala sang ikasarang nga makapabulong sang ila mga balatian.
Samtang suno naman kay South Cotabato Vice Governor Vic De Jesus, dalayawon ang mga programa sang Bombo Radyo Philippines kun sa diin nakatatak na sa kada Pilipino nga sa tion nga may yara sang programa ang Bombo madamo gid sang mabuligan.
Ginlaragway nya pa sini nga daw isa ka fiesta ang panghitabo kahapon sa Bombo Medico 2018 venue sa Koronadal National Comprehensive High School.
