KORONADAL CITY- Temprano nga nagpadulong sa Bombo Medico 2018 venue partikular na sa Koronadal National Comprehensive High School ang mga Social works students sang Notre Dame of Marbel University bangu excited ang mga ini nga magsirbe sa mga pumuluyo sang South Central Mindanao para sa tuihan nga Medical, Optical kag Dental Mission sang Bombo Radyo Philippines.
Sa interbyu sang Bombo Radyo Koronadal kay Abdul Halim Montanier, Vice President sang Junior Social Workers Association of the Philippines- NDMU chapter, 40 sila ang nagvolunteer para sa Bombo Medico subong nga tuig.
Sa pagkamatuod sila ang nagsugata sa mga senior citizens nga mga benepisyaryo nga temprano nga nag-abot sa Bombo Medico Venue nga naghalin pa sa nagkalain-lain nga mga banwa sa South Cotabato.
Suno kay Montanier, nangin tradisyon na nila ang pag volunteer sa Bombo Medico kada tuig kun sa diin para sa ila indi sila mangin isa ka certified social worker kun indi sila maka volunteer sa Bombo Medico bag-o mag gradwar.
Dugang pa nga makamag-an man sang buot nga magsirbe sa mga nagapanginahanglan pinaagi sa programa sang Bombo Radyo Philippines.
