KORONADAL CITY- Ginalauman nga mas magahuyang pa ang pwersa sang Bangsamoro Islamic Freedom Fighters- ISIS inspired group makaligad mapatay sa military operations ang BIFF commander kag bomb expert nga si Mah Nanding o mas kilala sa tawag nga kumander Marrox sa banwa sang Mamasapano Maguinanao.
Nahibaluan nga ang nasambit nga kumander ang nagasirbe nga manunudlo sang mga bag-o recruit nga mga terorista ilabi na sa paghimo sang mga bomba kun sa diin maga-agi anay sa mga kamot sini bag-o igasalang ang mga bag-o nga recruit sa pagpatigayon sang kalakasan.
Samtang dako naman nga accomplishment para sa AFP ang pag neutralized sa bomb expert ilabi pa nga isa ini sa mga prime suspects sa Mamasapano clash nga ginkapatay sang 44 ka mga myembro sang PNP Special action force sang Enero 2015.
Dugang pa nga si Marrox man ang yara sa likod sang pagpang ambush sa tropa sang 40th Infantry Battalion kag utok sang North Cotabato jail break sang nakaligad nga Enero 2017 nga nagresulta sa pagpalagyo sang masobra 130 inmates.
Samtang suno naman kay 6ID spokesperson Captain Arvin Encinas mas ginpahugtan pa nila ang paglagas sa iban nga mga kaupdanan sang napatay nga bomb expert.
