KORONADAL CITY – Ginahimo nga recruitment ground sang Bangsamoro Islalmic Freedom Frighters (BIFF) -ISIS inspired group ang mga Madrasa schools sang mga Islam believers sa Maguindanao.
Ini ang ginpahayag ni Lt. Col. Harold Cabunoc, commanding officer sang 33rd IB Philippine Army sa interbyu sang Bombo Radyo Koronadal.
Suno kay Cabunoc, ang BIFF breakaway group nga ginapamunuan ni Ustadj Sulaiman Tudon sang Datu Paglas Maguindanao ang nagpanguna sa recuritment sa mga bata nga fighters ang yara sa 15-anyos pasaka.
Dugang pa ni Cabunoc nga si Tudon ang nakig-angot sa mga terorista rason nga nagdihon sila sang duha ka kuta sa Sitio Mopac, Brgy. Poblacion Datu Paglas Maguindanao nga amo ang naagaw sang militar.
Nagapasalamat suno pa ang mga suldado sa mga residente bangud nakita nila nga nagbaskog na ang pwersa sang BIFF bangud boluntaryo sila nga nag-evacuate kun diin naglab-ot sa masobra 500 ka mga residente sa subong ang nagapabilin sa evacuation center.
Sa kabug-usan may isa ka suldado nga napatay 3 ang pilason samtang 4 naman ka BIFF ang ginbawian sang kabuhi kun diin duha diri ang nasamaran sa masobra 9 ka oras nga engkwentro.
Sa subong, nagapadayon ang paglagas sa masobra 20 ka mga BIFF members nga nakapalagyo.
