KORONADAL CITY- Natalana nga imbestigaran sang National Bureau of Investigation ukon NBI ang panibag-o nga modus sa South Cotabato nga nagagamit sang pangalan sang mga opisyal agud magpanunto kag makakwarta.
Inia ng ginkumpirmar ni Board member Hilario De Pedro VI nga isa sa mga biktima sang nasambit nga modus sa interbyu sang Bombo Radyo Koronadal.
Suno kay De Pedro, gingamit ang pangalan niya sa isa ka Hotel sa Koronadal City para sa isa ka reservation sa mga magaabot nga bisita gikan sa Isulan, Sultan Kudarat.
Nagtawag suno pa ang nagpakilala nga Board Member De Pedro sa receptionist sang hotel agud nga magkuha sang masakyan para sa mga guest.
Naghingyo suno pa sang load para sa driver sang van kun diin naglab-ot sa halos P23,000 ang naload sang biktima sa suspek.
Magluwas diri sa Koronadal City, nag-gamit man ang iya nga pangalan para sa reservation kag load sa El Galong Resort sa Lake Sebu, South Cotabato.
Mangin ang pangalan nanday Vice Governor Vicente De Jesus, Koronadal City Mayor Peter Miguel kag iban pa ang gingamit man.
Kaangot sini, nagpanawagan naman ang opisyal sa mga hotel kag establishment owners nga mangin mahalong sa mga reservation gikan sa ila nga mga customers.
