KORONADAL CITY– Nagresulta sa komosyon ang dapat kuntani una nga adlaw sang pagpungko sa pwesto sang isa ka Brgy. Chairman sa Brgy. Sta. Cruz syudad sang Koronadal.
Nahibaluan nga wala gintugutan nga makapungko sa pwesto ang nagdaog nga kapitan sang naglabay nga May 2018 election nga si Julius “Bobot” Bignayan bangud sa kaso nga ginapangatubang sini nga falsification of public documents makaligad magpagwa sang suspension order ang Commission on Election (COMELEC) second division sa proklamasyon sini.
Samtang nakaangkon naman sang tensyon sa tunga sang abogado ni Bignayan nga si Atty. Nena Santos kag City Local Government Operations Officer nga si Juanito Agullana bangud gin-insister ni Atty. Santos nga wala sila sang nabaton nga notice sa pagpamalabag sa pagpungko ni Bignayan bilang kapitan apang gin-insister ni CLGOO Agullana nga nagakadapat nga magsunod si Bignayan sa mandato sang COMELEC.
