KORONADAL CITY – Naglab-ot sa 3 drug suspects ang patay sa magkatuhay nga search warrant implementation sang mga otoridad sa banwa sang Lambayong, Sultan Kudarat.
Ginkadtoan sang gintingob nga pwersa sang Regional Police Drug Enforcement Unit (RPDEU), Regional Mobile Force Battalion (RMFB) kag Lambayong PNP ang balay sang mga target sang search warrants kun sa diin nagbato ang mga suspek kag nakaangkon sang baylohanay sang mga lupok nga nagresulta sa pagkamatay sang mga ini.
Ginkilala ang mga namatay nga sanday Bernie Kamal, residente sang Barangay Sadsalan kun sa diin nakuha diri ang isa ka kaliber 38 nga armas, mga bala kag 6 sachet sang shabu; kag si Patak Usman nga residente sang Barangay Midtapok, Lambayong nga nakumpiskahan sang kalibre 45 nga armas, mga bala kag duha ka sachet sang shabu nga nagabalor sang masobra P240,000.
Ginkumpirmar naman ni PSI Samuel Domingo, hepe sang Lambayong PNP nga madugay na nga ginamonitor sang Regional Police Intel Operatives ang mga target antes ginpatigayon ang operasyon.
