KORONADAL CITY– Emosyonal ang mga biktima sang nagluntad nga sunog makaligad nga ginkaon sang kalayo ang ila mga propiedad sa Prk. St. Gabriel, Marañon Village sa Brgy. Zone III syudad sang Koronadal.
/Sa ekslusibo nga interbyu sang Bombo Radyo Koronadal kay Gng. Cresencia Cocjin, sa ila nga puluy-an naghalin ang kalayo makaligad nga mabatian ang pagsigabong apang wala sila nakahibalo kun sa diin naghalin.
Madasig naman nga naglapta ang kalayo samtang naglab-ot naman 6 ka mga puluy-an ang nasunog kun sa diin 1 partially burned kag 5 ang totally burned.
Samtang sa pihak nga bahin, isa ka 17 anyos nga soltero naman ang na trap sang pila ka minuto apang maswerte nga nakaluwas ini.
Kalakip naman sa mga puluy-an nga nasunog amuh ang puluy-an nanday Virgilio Mondejar, Elmo Lamo, Verlyn Mondejar, Charice Gerona, Jessie Visdo kag ang ginhalinan sang sunog sa puluy-an ni Cresencia Cocjin.
