2 patay lakip CAFGU sa pagbunggo sang motorsiklo sa close van panel; Van nagkalayo sa kabaskog sang impact

KORONADAL CITY – Ginbawian sang kabuhi ang isa ka CAFGU kag kaupod sini sa nagluntad nga aksidente sa national highway, Brgy. Pagalungan, Polomolok, South Cotabato.

Ginkilala ang napatay nga driver kag angkas sang motorsiklo nga sanday Roger Puertas, isa ka CAFGU kag Rey Vincent Fernandez lunsay residente sang Barangay Polonuling, Tupi, South Cotabato.

Sandig sa report, madasig ang dalagan sang motorsiklo sang wala nakit-an ang kasugata nga close van panel rason nga nabunggo ini.

Bangud sa kabaskog sang impact nagtabog ang drayber kag angkas sang motorsiklo samtang nagkalayo naman ang van.

Maayo na lamang kag nakapanaug na ang drayber kag sakay sini.

Sa subong, yara na sa punerarya ang bangkay sang duha ka napatay sa aksidente.