-- ADVERTISEMENT --
KORONADAL CITY – Naglab-ot sa masobra 15 million pesos ang damyos nga ginbilin sang nasunog nga Hardware sa banwa sang Norala, South Cotabato.
Sa interbyu sang Bombo Radyo Koronadal kay Fo3 Mary Joy Adelantar sang BFP-Norala, halos naabo ang Shaina Hardware sa Barangay Poblacion sa nasambit nga banwa.
Ang nasunog nga hardware ang ginapanag-iyahan sang negosyante nga si Jimson Legada sang Esperanza Sultan Kudarat.
Naguwa sa imbestigasyon nga faulty wiring ang ginhalinan sang kalayo nga naapula makaligad ang 3 ka oras.
Nagbulig pa sa pagtapna sang sunog nga naglab-ot sa ikaduha nga alarma ang mga bombero sa kaiping nga banwa sang Sto. Nino.
Nahibaluan nga ang nagaokupar sa anay edifisyo ang Rural Bank of Norala.
